(لا للإرهاب),,بقلم الشاعر محمد رجب

قصيدة (لا للإرهاب)
____________________________
حرام عليكوا يا مفتريين
ناويين تودوا بلدنا لفين
كل يوم تفجير ارهابي
تحرق محافظة وتضرب كمين
***************
المساجد والكنائس مستهدفين
بس قولي كل ده لحساب مين
بقا أقتل ابني علشان قرشين
الدنيا دي وخدانا لفين
************
انتو اكيد ملكمش دين
ولا اقباط ولا مسلمين
تقتلوا الناس ف المساجد
مين يقولى تبقوا مين
****************
دين ابوكم دين جبان
دين بعيد عن كل دين
ملعونين فى كل كتاب
حبة حثالة و مجرمين
***************
ارهاب حقير وجبان
الحق مسيره يبان
يالى قتلتوا ولادنا
الغدر ليكم عنوان
**************
اكيد هنعرف انتو مين
ومين معاكو يا إرهابيين
مصر مكتوب ف الكتاب
ادخلوها آمنين
***********
*محمدرجب

***********************

***********************