أرحمنى ياقلبى,,,,,بقلم الأديب أسامة جديانه

أرحمنى ياقلبى
انا تُهت معاك
دايما بتمشينى
على هواك
خد وادي معايا ياقلبى
خلينى أتفاهم معاك
يوم ألاقيك عاشق ولهان
ويوم ألاقيك سرحان ف سماك
إرّسيلك على بر ياقلبى
واتقل شويه وأنا وياك
من كلمه حب بتعشقها
وتلاقى رجلى سبقاك
وف وقت الهجر بتتأثر
مجروح وواقف ف الشباك
مستنى نظره من حبيبك
ونجوم الليل سهرانه معاك
منك لله ياقلبى
دايما ماشى على هواك
لو عاشق صارح حبيبك
لو عليل هتلاقى طبيبك
حب بإخلاص تلقى نصيبك
مش واقف على كل زهره
نفسك ف البيضه والسمره
والخمريه ويا الشقره
دا مش الحب ياقلبى
حب اللى قلبك يهواها
اللى مش قادر تنساها
اللى بتتمنى رضاها
اللى بتشتاق لها
وأنت معاها
تبقى ارضك وأنت سماها
واخلص لها تكسب رضاها
                             ( أسامه جديانه)

***********************

***********************