عبدالله الهادى | جريدة عزف الأقلام العربية
30 سنه باسأل سؤال
ومافيش جواب
العمر شاب .. والصبر جف
وحنانى داب .. والعقل خف
سف القلق كل المشاعر
وانطلق سهم الفراق
هلت بشاير عتمتك
والضى مات
كل الآفات الكئنه
هتنام وتصحى مدمنه
تمسح آهاتك فى الصباح
وتلم دمعك فى المسا
وهتسألك نفس السؤال
ومافيش جواب
هتقولى إيه
وان قولتى مين ..
هيقول أمين
وانت الآسى وانت الأنين
وانت اللى خليتى الحياه
قارب فى بحر الهم تاه
والشط أبعد م الخيال
القلع مال
والمجدافين حيره وعتاب
والدفه حادفه ع الوداع
ضاع النصيب
ومافيش كلام
يقدر يأثر ع الغرام
ويصحى أحلام الهوىّ
إللى إنكوى فى سنين عزاب
ياكتاب مافيش ولا سطر فيه
يقدر يساع كلمة أمل
كل الجمل هجر وخصام
وحكاوى حب مزيفه
قلبى إللى عرفك من زمان
قطع حبال المعرفه
شوقى إللى كان لك دار آمان
طلعت ظنونه مؤسفه
لمَّا دفيتى فى الحنان
غنيتى الحان الجفا
واما سألتك ع الوفا
قولتى لى عيش
***********************
***********************
ليست هناك تعليقات:
إرسال تعليق