الشوارع ..
لسه مليانه بمواجع
اللى رايح منها رايح
بس خوفى م اللى راجع..
.
ذكرياتك ع البيبان
ذكرياتك ف الميدان
دمعتين نشفم فى منديل البكا
ضحكتين على سيلفى لقطه مضحكه
الرصيف اللى بلادورته زلط
والبلاط ابو نقطه حمرا
زى ماتكون دم سال
كل دول من ذكرياتك ويا اصحابك
عيال !..
..
ذكرياتك
اللى فيها بنت بتنافس قمر
اللى داب قلبك معاها
واللى سابت بوسه ع المنديل ودمعه
وقت ماحان السفر ..
نفس شارع كان جمعكم فى اللقا
هو نفسه اللى شاف الدمعتين
بس كان الوقت ليل
والغيمه فى بكاها مطر ..
..
.
الشوارع
لسه مليانه بمواجع
فيها صاحب
كان سند وقت السقوط م الارتفاع
وسط دوامة حياتك ..
فجأه ضاع.
هل يعود ؟
لسه هاتقابل بشر
لسه هاتقابل وشوش
تمسح الغبره اللى خافيه الف لون وسط الملامح
يمكن الصاحب يعود
والحبيبه اللى الزمن ضيعها منك
تتزرع وسط الورود..
.
الشوارع
اللى رايح منها رايح..
بس وقت الجد اعرف
انه ما بتديش وعود...
#حسن_بعيله
***********************
***********************
ليست هناك تعليقات:
إرسال تعليق