أنت فاكر لو مشيت...بقلم احمد طلبه

أنت فاكر لو مشيت
إني هضعف وأنهزم
داانت لاء هتكون بنيت
بنا سد ماينقسم

مش هكون لعبه بإيديك
لو لزم هقسا عليك
ألف عيب لاقيته فيك
دلوقتي لازم يتحسم

قلبي كلن منك واجعني
وانت ولا همك مشاعري
وإن في مره تكون سامعني
تنسا بعديها الكلام

لا حتي تهتم بشعوري
وتقول كلامي مش ضروري
النهارده هيبقي دوري
دوق بقي نفس الألام

حس بالقهر في عينيك
اللي ما حاسيته بيا
لو ماكنش غاليا عليك
أنت مش غالي عليا

لما انا بحس بيك
كانلي إحساسك عدم
قلبي عمري ما اذله ليك
والا واخد عالألم

مش هكون لعبه بإيديك
لو لزم هقسا عليك
ألف عيب لاقيته فيك
دلوقتي لازم يتحسم
=================
إنا فاكر إن حبي
ضعف مني وذل ليك
والا فاكر لو تفوتني
أتألم وأجري عليك

أنت من جواك أناني
قلب حابب نفسه بس
أنت مازعلتش عشاني
بيك خلاص عمري مااحس

صعب أفضل عايشه ليك
يبقي قلبي بيتوهم
هي دي أخرتها فيك
الطريق راح ينقسم

مش هكون لعبه بإيديك
لو لزم هقسا عليك
ألف عيب لاقيته فيك
دلوقتي لازم يتحسم
===============
احمد طلبه

***********************

***********************