شفاك الله زوجتي...بقلم عادل عقل

شفاك الله زوجتي

صعب عليَّ
صعب عليَّ اشوفك جنبي
ألمك والله بيعصر قلبي
ما أنت أعز أعز حبايبي
باكتم جوّاي مشاعري
كلمة آه منك توجعني
حاسسها شايفها  بتلوعني
صعب عليَّ
يارب اشف أم عيالي
ال دايما مستحمالاني
علي الحلوة والمرة ماسيباني
وعلي طول هي دعيالي
واديني بادعي ربنا العالي
يشفي حبيبتي ويخلهالي
صعب عليَّ
بادعي واقول يارب الكون
ياصاحب المدد والعون
تحميها من كل العيون
ال ما سيبيها فين ماتكون
ما أنت خلاف للظنون
وكلك علينا حنون
صعب عليَّ
كانت ضحكتها تملي البيت
ومعاها ياما قلت وحكيت
وطول عمري ماأتمنيت
مهما رحت أو جيت
إلا اشوفها دايمافي البيت
فيارب تشفي ال أنا حبيت
عادل عقل

***********************

***********************