ليه بتكررى السؤال
بعدى عنك شئ محال
خايفه أنى أهجرك
قلبى مشى غاوى الترحال
بعدى عنك مستحيل
مستحيل أهرب من حبك
عندى ليكى ألف دليل
ياللى نبضى سكن قلبك
قلبى من غيرك عليل
دوا قلبى يكون بقربك
بسهر الليل الطويل
نفسى أسمع همس قلبك
وجه القمر ليكى بديل
لكن م يغنى عن حبك
دا أنتى حلمى طول حياتى
وف وريدى بيسرى نبضك
أنتى يومى وذكرياتى
فين أروح من سهم رمشك
نظرة عيونك سحرانى
فين تروحى تلاقينى جنبك
كل دا وبتسألينى
أنى ممكن أستغنى عنك
( أسامه جديانه)
***********************
***********************
ليست هناك تعليقات:
إرسال تعليق