ليه كل ماتبتدي عندي الحكايه...بقلم ميسون محمد

ليه كل ماتبتدي عندي الحكايه.
تنتهي من غير كلام......
ليه كل حاجه راسمه جوه الحلم نار.
ليه كل ازهار النهار دايما ظلام..
ليه كل حلم بيتولد بيموت قوووام.
ليه كل همسة شوق بتغرق من غير سلام.....
ليه كل حب صادق بنسميه  جنان..
ليه لما تخلص وتكون صريح بتكون  مُلام ......
والدنيا كلها تبقى في........................ خصام
ماكنتيش اعرف ان الطيبة والحنان اصبح........ جنان .
ماكنتيش أعرف أن الحقيقة بتوجع كمان........
تاهت عيون الصدق وسط الزحام .
وضاعت القلوب البيضا في قلب   الركام ....
واتبدلت كل الفصول ..
بخريف معاند من قسوته هدّ الجدار  ........
غرق ربوع القلب في بركان و نار .
كان هو القاضي والسجان والحكم لييه.
قطّع ذراع هواه  من غير دفاع....
وسابه ينزف بجنون مليان صراع
كان حكمه قاسي قتل.
 وليد الحب من غير ارتجاع
خنق كل ممرات الحنين.
وضيع حب السنين.
وفي لحظة باع.......
الأماني والأحلام.
بين الضلوع من غير جناح.
بتهزّها أول رياح.
من غير كفاح......
ليه كل ماتبتدي عندي الحكايه.
تنتهي بمليون............ سؤال.
ليه كل ماتبتدي عندي الحكايه.
تنتهي من.................غير كلام .
.
بقلمي ميسون محمد

***********************

***********************