تايه
......
تايه يا قلبي ما لاقي دليل
.........................
طول ليلي غرقان في الفكره
أحسب و اصنف يوم بكره
سارح ما بين حاضر و ذكره
و العقل أصبح مني عليل
تايه يا قلبي ما لاقي دليل
.........................
الآهه نغمه ف موالي
والشرب بهدل احوالي
والفقر ساكن طوالي
ما لاقي حل و صبري جميل
تايه يا قلبي ما لاقي دليل
........................
يا مراار مالوه أول وآخر
ما تقولوا للحزن اتااخر
الكل من العيشه دي ساخر
والهم غنى يا عيني ياليل
تايه يا قلبي ما لاقي دليل
..........................
عايش بقلبي و احساسي
تايه ما بين أهلي و ناسي
و اللي عشقته عمل ناسي
رماني لما لقي لي بديل
تايه يا قلبي ما لاقي دليل
..........................
بدموعه كانت مسكنته
ف قليبي والروح مسكنته
طعنني غدر ب سكينته
و مسح دمايا ف كام منديل
تايه يا قلبي ما لاقي دليل
...... ..... .............
حبيبي يوم ما انا حبيته
ب نني عيني أنا خبيته
و برمش عيني غطيتة
بس الخيانه دي طبع أصيل
تايه يا قلبي ما لاقي دليل
..........................
الفرصه جاته وقام خانني
رماني لما شبع مني
وانا شيلته في العين والنني
جرح فؤادي و سابني قتيل
تايه يا قلبي ما لاقي دليل
.........................
تايه يا قلبي ما لاقي دليل
#حسن_حفني
***********************
***********************
ليست هناك تعليقات:
إرسال تعليق