فرحه ساكنه فى عيونى
والقلب فيه الحنين
لما عيونك بيراقبونى
وتبان رعشه ف الإيدين
أنتى الوحيده ف الكون
شاغله القلب قبل العين
كل الناس حواليه ولكن
مافى غيرك ساكن خيالى
تحت القمرايه بالليل
ألقى عيونك ف السما بصالى
مهما أبص شمال ويمين
مافى غيرك شاغل بالى
وأنا ماشى بين الزهور
قبل الغروب ف العصارى
الزهور تسألنى عليكى
فين حبيب القلب الغالى
من فتره م سمعنا كلام
فيه الرقه والهيام
لما النبض بيحكى آهاته
وف دقاته أحلى سلام
نظراتكم بتزيدنا عبير
وتسقينا حب وغرام
والفرحه تسكن ف عيونى
سحر عيونك ليا إلهام
بشوفهم أكتب أشعارى
بحروف كلها أنغام
( أسامه جديانه)
***********************
***********************
ليست هناك تعليقات:
إرسال تعليق