الحكايه زاد أنينها ..... مسعد سليم

الحكايَه زاد أَنينها


إيه جرالِك يا بهيَّه
ليه مُصرَّه علىٰ الحِداد
حادثَه رايحه وحادثَه جايَّه
والاحزان فيلم بيتعاد
الحكايَه زاد أَنينها
والقلوب الله يعينها
والدِّموع طالت سِنينها
مِن اللي سايد فِ البلاد
مين سبب حُزنِك يا أُمِّي
مين بيوئِد فِ الولاد
أيوا قولي بلاش تِضُمِّي
لناس ما بتكُف الفساد
ناس قلوبها من حجارَه
قادرَه  تظلم وبمهارَه
ليها عَ الخراب إمارَه
وحالفَه ما يكُف الحِداد
شُوفتي يَمَّه وَصلنا لفيِّن
حرَقوا ولادِك وِسط النَّار
خَلُّوا حُزن قلوبنا سنيِّن
وساقونا من الهَم مَرار
ملِّينا مِن فُوبيا الموت
ومِن كسرَه عَشان القوت
ومِن إهمال نِهايتُه تَابُوت
وِكأنُّه بيتجدِّد بِقرار

       الحكايَه زاد أَنينها
مسعد سليم

***********************

***********************