واحد ..... اتنين ...... أ احمد النجعاوي

{{{{      واحد .......اتنين      }}}}

واحد اتنين دم الغلابة وين
 أكتب يا واد وسحي بالدمع
 يا عين ......
واحد اتنين  قطر ماشي فرق
 بين حبيببن ....
واحد اتنين وام ضاع منها
القلب وكان غالبها الدين
واحد اتنين .....
قطر جاي من بعيد يزعق
وشه نار والموتورين
واحد اتنين .....
رصيف جهنم شاوي البسمة
على الوشين
واحد اتنين حق الغلابة وين
واحد شايل كراسه
والتاني باني بيت بدورين
واحد اتنين
جاي بشهادته يرسم فرحة
ناسه دكتوراة وخدها مرتين
واحد اتنين
يرجع فى تابوت جثة واكلها
غراب البين
واحد اتنين
واتنين بالهمة قالوا بحرها
ونيلها خيرين قاموا اتفحموا
عل الصفين
واحد اتنين
واحدة جاية من شغلها تجري
لأجل العيلين سرقتها النار
فى غمضة عين
واحد اتنين
قلبي يا موجوع اوعى تأمن ليها
وخد لك حجابين
واحد اتنين
يمكن الدور عليك ويبقى حزنك
راقين
وجنازتك ما تكمل صفين
ويقولوا كان زين  بس كان زين
واحد اتنين
دم الغلابة وين .....
دم الغلابة وين
دم الغلابة وين
.......................................
 أ احمد النجعاوي

***********************

***********************