لولاقيت ..... أحمد صديق

#شاعرالغلابه
#أحمدصديق
#قصيدة (لولاقيت)
لو لاقيتك بين جراحك
بين عزابك بين ماضيك
حزنك اكتر من افراحك
أنسى اللي كان ناسيك
لو لاقيت طيفها زارك
كل ليل ويا النجوم
ال حنين زود مرارك
أوعى تسجنك ال هموم
أوعى تنسي أنه افتري
أنه باع فيك واشتري
أنه كان معتبرك سلعه
اوعي تنسي اللي جري
أوعى تقسي أو تجرح
حد حبك وأشتراك
أوعى تلعب أو تمرجح
قلب رايد يبقي معاك
حاول أنك تصفي وتفتح
قلبك فيه ناس عاشقاك
ف الاحزان قبل الافراح
ف الصدمات وف الجراح
وأن طلبت انك تسامحها
أوعى تقبل ال سماح
السماح لو هو صانك
أما ده جرحك وخانك
ماافتكرش أنك حبيبه
كان لابد يضحي عشانك
خسر الجوله الاولي وباعك
واتسبب هو ف أوجاعك
استخسر فيك انه يحبك
مااستحملش قلبه يساعك
ثانيه دقيقه ساعه يوم
فبلاش تعتب ولاتلوم
جهذ كاميرا عشان تصور
سلط ضوء وأعمل زوم
تابع الاحداث لحظه بلحظه
حاول تكتب كل ملاحظه
أتعلم على قد ماتقدر
من اخطاء الدنيا الواعظه
كل ماتغلط راح تتعلم
ولابد ف غلطك تتألم
أغلط وأتألم مش عيب
لكن العيب أنك تستسلم
ولابد ف يوم تتندم
تهرب م الناس وجعك تكتم
يوصل بيك الحال أنك
تحفر قبرك نفسك تردم
صاحي عشان خاطرترتاح
تبكي عشان حبك راح
وتحاول تقسي وتتعلم
أنك تتحول تمساح
قادر يقسي وقادر يجرح
قادر ياكل قادر يدبح
قادر أنه يكمل عمروا
شجرة غدرخيانه بتطرح
                  أحمد صديق
             (لو لاقيت)

***********************

***********************