عماد البدرى

(ولما البحر بينادي
وموجه الهادي بيغني)
بانسا كل شئ عادي
عشان لحنه بيشغلني
واشوف طيفها كما المجنون
وموجها يخطفوا مني
ماانا عاشق وعشقي جنون
ومين في الدنيا يفهمني
دا لما البحر بينادي
وموجه الهادي بيغني
باعزف ع الوتر ألحان
وأنا في الأصل مش عازف
وأقول لخيالها أحلا كلام
باكلم مين مانش عارف
فا ييجي الليل مع نجومه
ينادي الصبح بالنسمه
يا خدنا العوم على عومه
وف دواني يقول همسه
دا البحر بينادي
وموجه الهادي بيغني
بييجي من البلاد عشاق
في لحظة شوق مع تمنى
وشوف كام غريب مشتاق
مع موجه بئا يغني
دا لما البحر بينادي
وموجه الهادي بيغني
بانسا كل شئ عادي
عشان لحنه بيشغلني
عشان لحنه بيشغلني
... عماد البدرى...

***********************

***********************