لغة الحوار == عونى هشام | عزف الأقلام

حاول تفهم بعض كلامى

تعال نتحاور فى المقبول
اخر الجلسه هيبقى سلامى
بروح وموده تدوم على طول
كل خلاف هايروح باجابه
فيها. علامه. وتعزل. نول
وكل تفاهم يبقى حسابه
نبنى فى طوبه برسم حلول
انا مش فاهم؟ طب فهمى
ليه نقلبها. عراك على طول
طول بالك واسمع منى
اوع. تقول. انك مشغول
اوع تردد اى اشاعه
وتبنى. عليها شئ م المجهول
خليك واقع قول بالحكمه
واوع تكون طبال دلدول
اصل الكلمه سلاح بايدينا
سيف بتار او دوا معلول
ساعتها هانلقى علاج لجراحنا
مش فرقعه. بكلام معسول
وان مافهمتش حاول تانى
وبلاش مرسل او منقول
اوع تقول ان انت ملاك
عيش الواقع. انطق قول
لو بتخاف اسكت ما تقولشى
يا اما هاتلعب وتجيب جول
خلى حوارنا. مفيد. لبلدنا
فيه م الحكمه. ردود وحلول
ساعتها. هانفهم وهانتفاهم
لان حديثنا كان. له اصول
واخر. الجلسه. منى سلام
بروح. وموده تدوم. على طول
============ #عونى_هشام

***********************

***********************