لمن الملك اليوم..| بقلم | حسن بعيله | عزف الأقلام

البشر
لما عصوا ربهم
ونوح تعب م الدعوه ف الامه
ولما زاد كفرهم
كان العقاب بطوفان
زاح الجميع منها
واستبدل الارض طهرها من الغمه
..
واما عصوه تانى
المولى أمر الريح
تمن ٨ ايام بلياليهم
يا قوم عاد اترنحوا
وكأنكم نخلات
خاويين بتتهزوا
هبت رياح حصدت
كل الرؤوس الكافره من تانى
واتبدلت أرضهم
واتغير السكان.
...
((
و الصيحه كانت جند لأستبدال
و جراد ف مصر و دم نهر النيل
و ف قوم لوط اتقلبت الاحوال
جبريل
خسف أرضهم و حجاره من سجيل))

....
كان العذاب الوان
كلٌ حسب كفره
لكن بشيئ محسوس
ملموس يعذبهم
يا اضعف الاجيال
بعت الإله فيروس
و عنيكوا ماتشوفهم
قفل المساجد
والكنايس
والبيوت
وحكم عليكم بالبيات شتوى
او بالخمول صيفى
خوفكوا من قرب الايدين
واللمس
كما سامرى و لامساس وعقاب
حاصرتكم الاسباب
يا رب حكمك ع البشر بالعدل
ولاننا ضعفا
ف لاقينا لأستخفاف
ماحناش كعاد وثمود
ولا قوم لوط احنا
يا رب كل الارض
عدينا م المحنه
ياااااا رب

***********************

***********************