لوحقيقى كان قرارك.
فى عيال ضعاف صغارك.
لما يبقى ده شعارك. زاد مرار
الكاس حوارك حقى هاخده من عنيه.
هو فرض ودين عليه.
هى دنيا وبكرة اخرة يومها وقفه حرة جافية.
كل شىء فى حياتنا عافية.
حتى بعض امالنا خافية. الانوثه والعنوسه
والزواج فى حياتنا حوسه والحقوق
معادتشى فارقه. حتى لوعايش فى زنقه
خذ زجاجه خذ قارورة. خذ كفايه هى
صورة خذ بايدى فك ازمه. .
كل حاجه ع الفاتورة
هى ايامنا العجاف هى ازمه خبز حاف.
بطنيه وخد لحاف.
م البرد بيدفى الكتاف. كل حاجه نقول
عزوف. سعر غالى وبالالوف
حد فاهم حد شاف القمامه ع
الحواف. زهقنا مصمصه الشفايف
كرهنا سلطان المعارف نفسى مرة تقول
لى عارف. ناس بتصرخ م المخاوف
قسوة الحرمان بتعصف
حسبي ربى خبير لطيف. يسترنا من موقف عفيف
ضغط على موظف حنون ظروف
ووصلت للجنون لاعندنا تنفيذ قانون
والمص للغلبان فنون رب اسرة
يجيب منين. دروس معيشه ومطحونين.
مين يحاسب مجروحين. مين يحاكم طماعين.
المخالفه والفاتورة.
عايزة وقفه وعايزة صورة. الاجور فى تدنى واضح.
والضمير بقى هم فاضح. والبصيرة
عوار وجارح. للى يفتح بقه شارح.
الهموم بيبان وفاتح والسراب
بركان وسارح. تقطم الظهر الجروح.
والغذاء ماساة وروح. كل يوم
شبه امبارح والشجن ع الخد طارح
فين هما اصحاب المصير .. مين هما عدمات
الضمير . مين اللى حاسس بالفقير .
مين عايش ذليل اسير .. جبر خاطر ليوم
الدين . دى قسوة الحرمان انين ..
فى عيال صغار يافندى ... حق عندك
دعوة عندى .. كل موسم كسوة وكفاله ..
والعلاج محتاج عواله. . والحياة ورديه
خضرة .. لما تنصرف بكرة العلاوة ..
بقلم محمد عباس معلم الاسماعيليه
***********************
***********************
ليست هناك تعليقات:
إرسال تعليق