رسايل مخفيه الرسالة السابعه والعشرون | بقلم | احمد طلبة| عزف الأقلام

محبوبتي
بعد السلام
والاحترام
و حب باقي في قلبي ليكي
في عشق قالو عليه حرام

بعد الحنين بكتب إليكي
كل اللي فيا من كلام
ولاعمر هيكفي الكلام
ولا حتي يوصف لوعتي
ان كنت صاحي او بنام
وياكي عايش دنيتي
وان كان كدا يبقي الختام
هختم بحبك قصتي
بس اعرفي معني الغرام
انك معايا في شديتي
مانا عايش علي إحساس
وصوره ليكي في خيالي
بإن انتي يا ست الناس
لأخر عمري بقيالي 🌹🌹🌹🌹🌹🌹🌹🌹
ودا عهد علي جبين اللي حبك حب مش موجود
وكاتم كل دا في قلبه عشان من جنتك مطرود
وهي حدود
مابين أحلام شايلهالك
اخرها باب حنين مسدود
وحتي عتابي علشانك
دا حب وربنا المعبود
ومش لاقي بجد مكان
لقربك لجل اوصلك
ورافض إني يوم اتهان
ورافض حاجه تحصلك
مانا عايش علي إحساس
وصوره ليكي في خيالي
بإن انتي يا ست الناس
لأخر عمري بقيالي
مجرد حاله مـ الأخلاص
بتوصف كل أحوالي
لكن كل اللي بنا خلاص
وأنتي خلاص مارجعالي
لكن مكتوب
وهعمل إيه انا ساكت
علي أمري و بيه مغلوب
ودا محسوب
علي عمري سنين فاتت
وانا في العشق ليكي بدوب
وانا المغلوب علي حالي
وانا حالي
بحس ان انتي بقيالي
بحس ان انتي عايشالي
مانا عايش علي إحساس
وصوره ليكي في خيالي
بإن انتي يا ست الناس
لأخر عمري بقيالي
يكدبني الوجع فيا
يقول إنساها مش فكراك
دي هي في دنيا مانسيه
ولو حتي كمان حباك
والف رساله مخفيه تكون ليها
ومش طايلاك
خلاص انت رضيت بيها
فعيش باللي انكتب جواك
ودا قدرك ومين من قدره راح يهرب
وإيه يعني مانا قدري وحيد بتعب
وبتصبر علي الوحده بصورتك لجل اقدر اعيش
عشان بعدك مافيش واحده وانا راضي بحالي اعيش
اعيش مع حلم من احلي
بروحك وانتي في خيالي
عرفتي ولا معرفتيش
يا اغلي الناس مافيش تاني
مانا عايش علي إحساس
وصوره ليكي في خيالي
بإن انتي يا ست الناس
لأخر عمري بقيالي
================
احمد طلبه

***********************

***********************