بنت بلدى
عونى هشام
نفسى اقول لك حاجه حلوه
هيا فيكى
نفسى اوصف نفسى جنبك
واحتويكى
نفسى احلم فيكى بكرا
نفسى احضن يوم ايديكى
انتى سندى وانتى ضهرى
وانا كل حاجه فيكى
تبقى شايله البيت بحمله
وتخفى دمعك من عنيكى
بادعى ربى تكونى جنبى
خايف اصحى ومش لاقيكى
انتى فاسى لزرع ارضى
وضل شجرة اتحامى بيكى
لقمتى٠٠٠٠٠٠ شهد منك
وتوبى غزله من ايديكى
انتى نص الحلو فيا
ونص تانى برضة ليكى
لما نجلس تحت شجره
اما نقطف مرة ثمره
واما نقسم برضه تمرة
الاقى دنيايا ف عنيكى
انتى عملانى الامير
وانتى فى الدنيا مليكى
بس خايف يحسدوكى
خدى شالى فوق عنيكى
بادعى ربى يصون خطاكى
وبايمانك هايراعيكى
بادعى ربى يصون خطاكى
وبايمانك هايراعيكى
========
#عونى_هشام
***********************
***********************
ليست هناك تعليقات:
إرسال تعليق