واﻻقى الدنيا تندهنى..
أتارى الدنيا.. نداهه..
أجاوبها.. تتوهنى..
وهى متاهه..فى..متاهه
تحابى ناس ..وتسعد ناس
وتبقى جميله.. محﻻها..
وتتعب ناس.. وتقهر ناس
وانا اللى.. تعبت وياها
بتندهنلى بقالها.. كتير
وعمرى مارحت..وياها
على الهامش.. يدوب عايش
بابص عليها.. متدارى
دى جمرة نار..وانا كابش
أتارى الجمره..من نارى
وانا الواقف.. على حدك
وبامسح ..دمعه من خدك
وماسك ايدك الحلوه
تعالى ياحلوه.. مين أدك
انا العاشق على بابك
وانا الدايب ف محرابك
وقلبي مهما..طار عني
حبيب من.. جملة احبابك
ومهما يدوق.. من الحرمان
ﻻفكر يوم ..وﻻ سابك
مليش غيرك .. هنا ف قلبى
ياساكنه جوه.. أحزانى
فى بعدك قتلنى القهر
وحتى فى انحناء الضهر
انا العاشق يادنيا الشعر
ولسه القلب على بابك..
وﻻعمره في يوم سابك
***********************
***********************
ليست هناك تعليقات:
إرسال تعليق