ألم للبيع .. فــ مين شاري ؟
ولو ببلاش
....
ياخدني النوم فى دوامه
وبحلم
إني بنوتة قصص ياما
تشخبط فى حيطان بيتها
وتلعب ويا مامتها
وتجرى بين جبال الشام
فتسرح فى سهول عَمان
ياخدها الجن في وهران
يهدهدها .. يمرجحها
تنام الشمس فـ عيونها
وتصحى
فـ حجر جدتها .
...
تطل الشمس مالشباك
تنونو قطتى النونو
وابص لجدي فـ عيونو
ألاقي تاريخ
وجغرافيا
ونيل بيمد شريانه .. بيرويني
ويسقى غيطاني وسنيني
وزرع كتير
وناس أكتر
أدان الفجر بيكبر
ويقري الشيخ .. فـ سبع عجاف ؟؟
واستغرب !!
ينام جدي !!
ألاقي الكلب بيهوهو
وأفتح عيني بالعافية
وأجري وكلنا بنجري ؟
مانعرف ليه ؟
...
وواد طيب يفوقني بنص جنيه
ماياخد مني أقلامى
وانده له .. القلام يابيه
فيضحك .. يبتسم ليه
ويغمزلي
...
أكمل تانى أحلامي
...
ألم للبيع .. فــ مين شاري ؟
ولو ببلاش
...
عادل التوني
***********************
***********************
ليست هناك تعليقات:
إرسال تعليق