محتار ف دنيا غريبه
تايه مابين ألمين
تاه الطريق منى
والجرح بقى جرحين
لا قادر ألملم جراحى
ولا حتى أعيش لى يومين
اليوم يعدى ف ساعه
والساعه ف دقيقتين
الدنيا ماشيا بضهرها
والناس بقوا بوشين
الجرح جاى من أهلنا
ف الطبع غدارين
صاحبك معاك من كام سنه
ولبعض مش عارفين
قابلك ببشاشة الوجوه
والغل جواه دفين
نآمن لمين ف الدنيا
صبحوا القلوب قاسيين
والكل عاتب ع الدنيا
أعتب ع البنى آدمين
لما النفوس أتغيرت
والكل طماعين
والغدر بيجرى ف دمهم
واللى راحوا المخلصين
آسفين ليكى يادنيا
مافى قلب جواه حنين
خليك مع ربنا
وأنسى البنى آدمين
( أسامه جديانه)
***********************
***********************
ليست هناك تعليقات:
إرسال تعليق