عيد الأم| بقلم | صلاح منير| عزف الأقلام

بقلم: صلاح منير

قالوا في الأمثال

كلام كبير ومهم
اللي يعيش بلا أم
في الدنيا حاله يغم
وأنا سعيد مبسوط
عايشت أعظم أم
مرت بيا الأيام
مابين سعادة وهم
عديت أنا الستين
لذكرياتي القديمة بلم
عايش مع الذكريات
شايفها كلها حلم
العمر عشته بدور
على حضن دافي يضم
ما لقيت صدق ودفا
الا في حضن الأم
ولا لقيت قلب صافي
بحالي زي قلبها بيهتم
شمعة كانت منورة حياتي
مهما عانيت من غم
سقتني حب الناس
وازاي بغيري أهتم
حبيت وبقلبي أنا سلمت
ما لقيت حبيبه لألمي ترم
بعدك يا أمي ما في
واحدة تعين ع الهم
ان كنت يوم تعبان
صدرك لقلبي يضم
كنت بأحس بدفا وكلامك
ينزل على صدري بلسم
كانت أحلامي أوامر
من غير ما أقول وأتكلم
عشت يا أمي تبذلي
كتير من العرق والدم
ان قلت ايه محتاجة
تردي طماني عليك تسلم
ان جبت عمر فوق عمري
ما أقدر أرد فضل الأم
بأدعي ليلي ونهاري
الجنة يا أمي لينا تضم
وأرجع طفل من تاني
يرضع دفا وحنان الأم
صلاح منير
مصر

***********************

***********************